Яшел Үзән сөт комбинаты Казан хосписына бер тонна продукция җитештерәчәк ⠀

«Татарстанның авыл хуҗалыгы предприятиеләре пандемия шартларында эшләүне туктатмый, алай гына да түгел, медицина оешмаларына ярдәм күрсәтүне дәвам итәләр», - дип билгеләп үтелә Татарстан Республикасы авыл хуҗалыгы һәм азык-төлек министрлыгы хәбәрендә. Мәсәлән, Яшел Үзән сөт комбинаты хосписка тонна сөт продукциясе җитештерәчәк. Бу, аерым алганда, кефир, сөт, ак май, "Обнимама" балалар сөт продукциясе.

Бөтендөнья кризисы шартларында комбинат тарафыннан Казан хосписы пациентларына ярдәм итү бик тә кирәкле гамәл, чөнки сөт продукциясе пациентларның сәламәтлеген саклау өчен аеруча мөһим. “Без аларга бу катлаулы чорда теләктәшлек белдерүләре өчен бик рәхмәтле", - диде Анжела Вавилова исемендәге фонд рәисе Владимир Вавилов.
Предприятие көнгә 558 тоннага якын сөт эшкәртә һәм 100 төрдән артык сөт продукциясе җитештерә. Барлык сөтне турыдан-туры авыл хуҗалыгы җитештерүчеләреннән һәм шәхси ярдәмче хуҗалыклардан сатып алалар. ⠀