Яшел Үзән шәһәрендә беренче җир асты парковкасы белән яңа бизнес-үзәк барлыкка киләчәк
Мирный микрорайонында 12,5 мең квадрат метр мәйданлы яңа бизнес-үзәк бинасы төзелә. Монда федераль брендлар, фуд-кортлар, заманча кинотеатр һәм башка бик күп кибетләр урнаштырырга планлаштыралар.
Төзелеш барышын Яшел Үзән мэры Михаил Афанасьев @mikhail.afanasyev118 бәяләде.
- Яхшы проект, сыйфатлы гамәлгә ашыру, киләчәктә бу уңайлы шоппинг һәм ял сөючеләр өчен бик яхшы үзәк булачак. Төп факторларның берсе - яңа эш урыннары булдыру, бу шәһәр һәм районның социаль-икътисадый үсеше факторларының берсе, - дип билгеләде мэр. - Безнең бурыч Яшел Үзәнне үзгәртү, шәһәр заманча, матур, төзек булырга тиеш.
Проект җитәкчесе Дмитрий Грузков сүзләренчә, яңа эш урыннары саны, күрше бизнес-үзәкләрне исәпкә алып, якынча меңгә җитәчәк,. Өч бинаның гомуми мәйданы 35 мең квадрат метр.
Аерым бонус - 120 урынлы җылытыла торган җир асты парковкасы. Бу Яшел Үзәндә беренче җир асты парковкасы булачак, аның төзелеше тәҗрибәсе яңа объектлар төзегәндә дә кулланылачак. Яңа бизнес-үзәкне 2022 елның беренче яртысында ук ачарга планлаштыралар.
Следите за самым важным и интересным в Telegram-каналеТатмедиа
Нет комментариев