Яшел Үзән районының биш мәктәбендә 61,7 млн сумга яңартылган азык-төлек блогы ачылды

Ашханәләрне яңартуга республика бюджетыннан 61,7 млн сум акча бүлеп бирелде. Бу хакта “Татар-информ” мәгълүмат агентлыгына ТР Яшел Үзән районы матбугат хезмәтендә хәбәр иттеләр.

"1нче лицейга азык-төлек урынын ремонтлауга 16,2 млн сум бүлеп бирелгән, 4нче мәктәпкә - 9,7 млн сум, 10нчы гимназиягә - 12,6 млн сум, 11 нче мәктәпкә - 11,8 млн сум, 15нче мәктәпкә - 11,4 млн сум", - дип ачыклык кертте агентлык әңгәмәдәше.

Гомумән алганда, быел Татарстанда мәктәп азык-төлек блокларын капиталь ремонтлауның яңа программасы буенча 44 муниципаль берәмлекнең 200гә якын мәгариф учреждениесендә ашханәләр ремонтланган.

Бу программа буенча азык-төлек блоклары биналарында ремонт һәм бизәү эшләрен башкарганнар, эчке инженер челтәрләрен яңартканнар, шулай ук яңа заманча җайланмалар урнаштырганнар.

Узган елдан башлангыч сыйныф укучылары бушлай кайнар туклану белән тәэмин ителә, бу азык-төлек блогына йөкләнешне арттырды. Быел Татарстанда 211 мең бала бушлай туклану белән тәэмин ителәчәк.