Яшь буласың килсә, кабак аша

Белгечләр белдерүенчә, кабак яшәртә торган үзенчәлекләргә ия, аңарда А һәм Е витаминнары бар.
Әлеге яшелчәдәге С витамины картаюга каршы көрәшә, тән тиресенең тыгызлыгын арттыра, җыерчыкларны бетерә, һәм тырнакларны ныгыта.

Галимнәр ассызыклаганча, кабакны көн саен куллану арыганлыкны бетерә, шулай ук хәтер һәм игътибарны яхшыртырга ярдәм итә. Моннан тыш, бу төр яшелчә йөрәк өянәге куркынычын һәм яман шеш авыруы ихтималын киметә. Хуҗабикәләр исә, кабактан нинди генә төр азык әзерләми, аш һәм гарнирлардан тыш, кышка тәм-томнар, десерт дисеңме. Кыскасы, бу төр яшелчәдән күңелегезгә хуш килгән азык пешереп, файдасын күрегез.