Ялган хәбәрчегә җәза каты

Бу хакта Яшел Үзән прокурорының өлкән ярдәмчесе Людмила Тосакова хәбәр итүенчә, «телефон террорчыларына» җәза хәзер күпкә катгыйланган. Мәсәлән, андыйларга штраф суммасы 500 мең сумга кадәр җитәргә мөмкин. Болардан тыш, инфраструктура объект­ларына (сәламәтлек саклау, мәгариф, ял итү, спорт, пассажир транспорты,  хокукый һәм финанс-кредит характерындагы хезмәтләр күрсәтү учреждениеләре) карата, шулай ук власть органнары эшчәнлеген тотрыксызландыруга юнәлтелгән  террорчылык актлары турында ялган хәбәр биргән  өчен дә җаваплылык катгый.
 

Соңгы очракта  телефон террорчысы 6 елдан алып 8 елга кадәр ирегеннән мәхрүм ителергә мөмкин. Әгәр дә  әлеге гамәлләр  саксызлык аркасында кеше үлеменә, яисә сәламәтлегенә авыр зыян китерсә,  андый телефон террорчысы 8 елдан алып 10 елга кадәр ирегеннән мәхрүм ителә.

Бу үзгәрешләр 2018 елның 9 гыйнварыннан үз көченә кертелгән.