Урманчылар патрульләрне көчәйтә: аномаль эсселек аркасында Казан янында ял итү урыннарын ябарга мөмкиннәр

Ел башыннан бирле республика урманнарында 694 термик нокта теркәлгән, бу узган ел белән чагыштырганда ике тапкыр күбрәк. Хәл начарланса, Казан хакимияте популяр ял итү урыннарына, аерым алганда, «Аккош күле» урман-парк зонасына баруга тыю кертергә мөмкин.

Йөгерек Түбән янгыннар 10 елдан соң әйләнеп кайтты
ТР Урман хуҗалыгы министрының беренче урынбасары Илгизәр Зарипов хәбәр иткәнчә, Татарстан урманнарында янгын куркынычының дүртенче классы игълан ителгән. 14 майдан урманнарда кешеләрнең булуы чикләнә һәм барлык төр транспорт чараларына керү тыела. ТР Гидрометеорология һәм әйләнә – тирә мохитне күзәтү идарәсе фаразлары буенча, аномаль эсселек тагын бер атна-25 майга кадәр торачак. Хәл начарланса, хакимиятләр урман-парк зоналарына бару режимын катгыйландырачак.

«Соңгы 10 ел эчендә республика урманнарында гадәттән тыш хәлләр күзәтелмәде. Кызганычка каршы, агымдагы ел безнең өчен тагын да катлаулырак шартларда уза. Без урманнарда ут чыгуын билгеләп үтәбез, мондый алты очрак теркәлде. Без аларны урман янгыннары кебек трактлыйбыз. Инспекторлар составының оперативлыгы, матди-техник җиһазланышы аркасында ут якындагы ике сәгатьтә бастырылды», – диде ул.
 

Министр урынбасары урман янгынынынын сүндерү беренче тәүлек эчендә башкарылса, уңышлы санала, дип ачыклык кертте. Татарстанда янгын урман фондының Федераль җирләрендә булды.

«Бу-узган елгы яфраклар һәм коры үлән янганда йөгерек түбән янгыннар иде. Күп кенә очраклар буенча без хәтта зыян күрмибез. Һәр очрак буенча мәгълүматны урман хуҗалыгы федераль агентлыгына, табигатьне саклау прокуратурасына һәм «Авиалесохрана» ФБУга тапшырдылар. Территорияләрдә урманчылардан тиешле гаризалар Эчке эшләр министрлыгының район бүлекчәләренә җибәрелде, янгын күзәтчелеге белгечләре, сорау алучылар чакырылды», – дип билгеләде Илгизәр Зарипов.

Эксперт хәбәр иткәнчә, ТР Урман хуҗалыгы министрлыгында Хокук саклау органнары килеп туган хәлгә объектив бәя бирер һәм урман янгыннары барлыкка килүгә катнашы булган кешеләр билгеләнер, дип өметләнәләр. Спикер барлык фаҗигаләр дә кеше гаебе белән килеп чыккан дип саный.
«Урман янгыннары барлыкка килү буенча гомумроссия статистикасы түбәндәгечә: 10 урман янгынының 9ы кеше кулыннан санала. Әмма безнең республиканың климатын исәпкә алып, барлыкка килгән янгыннарның 100% ы кеше кулы аркасында чыга», - дип ассызыклады министр урынбасары.

Юллар һәм электр линияләре куркынычны арттыра
Бүген Татарстанның кайбер районнарында урам термометрлары баганалары 35 градуслы билгегә кадәр күтәрелде. Экспертлар фикеренчә, мондый эсселек республикада тагын бер атна дәвам итәчәк. Янгын куркынычының югары класслы булуы сәбәпле, республика урманнарында кешеләрнең булуы чикләнгән.

«Агымдагы елның 10 маеннан Татарстан территориясендә тәүлеклек температура 9 һәм аннан да күбрәк булган аномаль эсселек урнашты. ТР Гидрометеорология һәм әйләнә-тирә мохитне күзәтү идарәсе фаразлары буенча, аномаль эссе һава торышы 25 май уртасына кадәр дәвам итәчәк. Бүген республика территориясендә аерым районнарда максималь һава температурасы 35 градуска кадәр көчле эсселек көтелә. Эссе һава торышы башлану һәм урман янгыннары куркынычы арту сәбәпле, ТР Министрлар Кабинеты карары белән 14 майдан 21 календарь көненә Гражданнарның урманнарда булуын чикләү кертелде», – дип сөйләде «Татар-информ» МА кунагы.

Карар гамәлдә булган вакытта кешеләрнең урманнарда булуы, аларга барлык төр транспорт чаралары керү һәм билгеле бер эш төрләрен үткәрү тыела. Тәҗрибә күрсәткәнчә, төбәк территориясендә янгыннар чыгу куркынычы октябрьгә кадәр кимеми. Әйтик, 2020 елда янгын куркынычы янаган чор 20 октябрьгә кадәр дәвам итте.

Спикер фикеренчә, урманнарда янгын куркынычы автомобиль һәм тимер юллар челтәре, югары вольтлы электр тапшыру линияләре, газ эшкәртү предприятиеләре һәм газ - нефть үткәргечләр, күп санлы базалар һәм ял лагерьлары, шулай ук кешеләр күпләп урманнарда булу да тудыра. Аеруча Казан, Яр Чаллы, Түбән Кама, Әлмәт, Алабуга, Бөгелмә, Яшел Үзән һәм башка шәһәр яны зоналарында куркыныч күп.

Казанның нинди урманнары барып кайту өчен ябылган инде
Хәзер урманнарга баруны тыю федераль әһәмияттәге урман фондына карата гамәлдә. Әмма янгыннар белән хәл начарланса, Казан хакимияте шәһәрлеләрнең популяр ял итү зонасын – Аккош күлләре янындагы урман-парк зонасын ябу турында карар кабул итә ала.

«ТР Министрлар Кабинеты карары белән 1,2 млн. гектар федераль урманнарга карата чикләүләр кертелде. ТР Урман хуҗалыгы министрлыгы шәһәр урманнары өлешендә мөнәсәбәтләрне җайга салмый. Казанга якын урнашкан 3,5 мең гектардан артык урман торак пункт җирләрендә урнашкан урманнар статусына ия. Беренче чиратта Бу - «Аккош күле» урман паркы. Әлеге мәсьәлә Казан хакимияте карамагында. Кирәк булса, мондый чикләүләрне кертергә кирәк дип санасалар, шәһәр хакимияте шундый ук документны кабул итәр дип уйлыйм», – диде Илгизәр Зарипов.
 

Министр урынбасары Казан янында нинди урманнар ябык булуы турында сөйләде.

«Боровое Матюшино урманнары Матюшино участок урманчылыгына карый. Бу Федераль урман фонды – димәк, анда бу чикләүләр нормалары гамәлдә. Киндери бистәсенә килгәндә, бу Иске Казан һәм Биектау участок урманчылыклары. Бу шулай ук федераль урманнар», - дип билгеләп үтте спикер.

Кайбер бакчачыларның тыю гамәлдә булган чорда машинада урман аша дачага барып җитә алулары турында сорау туа. Әйтик, әгәр аларның дача участогы Лаеш районында Кордонда урнашкан икән.

«Әгәр теге яки бу кеше урманнан файдаланучы, арендатор һәм урман Кордонында яшәсә, карар аңа әлеге юллардан йөрергә рөхсәт итә. Гомуми файдаланудагы юллар аша йөрү закон белән тыелмый", - дип билгеләп үтте Зарипов.

Казанлыларның тагын бер популяр ял урыны - Зәңгәр күлләр. Алар төбәктә төзелә торган «Татарстан көзгесе» туристик-рекреация кластеры территориясендә урнашкан. Аларга әлегә, янгын куркынычсызлыгы кагыйдәләрен үтәп, йөреп була.
 

«Зәңгәр күлләр системасы өч категориядә урнашкан. Бер өлеше урман фондының федераль җире, бер өлеше – торак пункт, ә өченче өлеше – авыл хуҗалыгы җирләре. Бу территория табигать һәйкәле дип игълан ителде һәм биоресурслар буенча ТР Дәүләт комитеты тарафыннан җайга салына. Анда контроль-күзәтчелек функциясе яхшы гына гамәлгә ашырылган", - дип аңлатты спикер.

Республика халкының тагын бер популяр ял урыны-Раифа. Бу-федераль әһәмияттәге урман территориясе, аеруча саклана торган статусына ия, әлеге территория Росприроднадзор контролендә тора.

Урман хуҗалыклары инспекторлары тәүлек буе эш режимына күчтеләр
Ел башыннан Татарстан урманчылары тарафыннан урман законнарын бозуга юл куймау турында 1,3 меңнән артык кисәтү бирелгән. Инспекторлар урманнарда тәртип бозучыларны ачыклауны дәвам итә.

"Урманнарда янгын куркынычсызлыгы кагыйдәләрен бозу гражданнарга – 4 меңнән 5 мең сумга кадәр, вазыйфаи затларга – 20дән 40 мең сумга кадәр, юридик затларга 300 меңнән 500 мең сумга кадәр штраф сала", - дип хәбәр итте ТР Урман хуҗалыгы министрлыгы вәкиле.

Әгәр янгын куркынычсызлыгы кагыйдәләрен бозу урман янгыны барлыкка китерсә, бу җинаять җаваплылыгы. Урман утыртмаларын юк итү яки зыян китерү өчен 500 меңнән алып 1 млн сумга кадәр штраф салына.

Казан халкы 2010 елны, 40 градуслы эсселек сентябрьгә кадәр торган елны хәтерли. Ул елны Татарстан территориясендә 167 га мәйданда 99 урман янгыны билгеләнгән иде, бу хәл 11 елдан соң кабатланырга мөмкинме?

«Быел Янгын куркынычы сезоны башланганчы без федераль һәм төбәк әһәмиятендәге автомобиль юллары янындагы участокларда 2,5 меңнән артык яңа минераллаштырылган полоса булдырдык. Моннан тыш, 1,3 меңнән артык кисәтү бирелгән. Барлык районнарда да эш башкарылды, без 5,5 меңнән артык буклет һәм гражданнар өчен белешмәлекләр тараттык», – дип билгеләп үтте министр урынбасары.

ТР Урман хуҗалыгы министры Равил Кузюров 18 майда инспекторлар составы тәүлек буе эш режимына күчерелгән боерыкка кул куйды. Республикада өстәмә мобиль төркемнәр булдырылган. Югары рекреацион йөкләнешле урман массивларында янгынга каршы техника куелган. Урманда куркынычсызлыкны 25 урман янгыннары станциясе тәэмин итә. Урман янгыннары формированиеләрен 700 дән артык кешене берләштерә. Гадәттән тыш хәлләр булган очракта тагын 700 дән артык кеше өстәмә рәвештә җәлеп ителәчәк. Татарстан территориясендә урманнардагы хәлләр артыннан космик мониторинг алып барыла.