ТР Урман хуҗалыгы министрлыгы: Татарстанда урман культуралары сезоны-ачылды

«Кар катламы эрү белән урман культуралары утырту һәм урманнарны чүп-чардан чистарту сезоны башлана. 2019 елдан башлап Татарстанда урман торгызу эшләре «ТР да урманнарны саклау» региональ проекты барышында, «Экология» милли проектының «Урманнарны саклау» федераль проекты кысаларында үткәрелә, аның төп максаты - 2024 елга 100 % нисбәтендә урманнарны яңадан торгызу һәм үстерү балансын тәэмин итү. Аңа ирешү өчен ике төп индикатор билгеләнгән: урман торгызу һәм урман үрчетү мәйданының киселгән һәм һәлак булган урман утыртмалары мәйданына мөнәсәбәте һәм урман янгыннарыннан зыян», — диде ул.

2021 елга «урман торгызу һәм урман үрчетү мәйданының киселгән һәм һәлак булган урман утыртмалары мәйданына мөнәсәбәте» күрсәткече 77,7% тәшкил итә. Әмма бу әле пландагы күрсәткеч кенә, дип билгеләп үтте министр. Узган елда урманнарны торгызу эшләре 4,8 мең гектардан артык мәйданда башкарылган, быел Татарстанда 3,8 мең га мәйданда урманнарны яңадан торгызу эшләре башкарылачак, республика территориясендә 1,4 мең га мәйданда урман культуралары утырту, 2,3 мең га табигый урман торгызуга ярдәм итү чаралары планлаштырыла. Катнаш урман торгызу — 4 га, урман үрчетү — 105 га.

2021 елда Татарстанда авыл хуҗалыгы билгеләнешендәге җирләрдә - 1,7 мең га, Азнакай районында - 1,6 мең га. Шулай итеп, республикада бер ел эчендә 7,2 мең гектардан артык мәйданда урманнарны яңадан торгызу һәм урман үрчетү эшләре башкарылачак.

Милли проектлар 2019 елдан башлап Россия Президенты Владимир Путинның «май Указлары» нигезендә гамәлгә ашырыла. Программалар илнең стратегик үсешенең 12 юнәлешен үз эченә ала, алар арасында «Экология», «Сәламәтлек саклау», «мәгариф», «Демография», «фән», «Мәдәният», «торак һәм шәһәр мохите» һ. б бар.