ТР Гадәттән тыш хәлләр министрлыгы башлыгы Казаннан күп балалы гаилә фатирында янгын хәбәрчесе урнаштырды

ТР Гадәттән тыш хәлләр министрлыгы башлыгы Казаннан күп балалы гаилә фатирында янгын хәбәрчесе урнаштырды. Бу хакта “Татар-информ” мәгълүмат агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә сөйләделәр.
Татарстанда күп балалы гаиләләргә һәм инвалид балалы гаиләләргә янгын хәбәрчеләре урнаштыруның яңа этабы башланды. Аны Россия Гадәттән тыш хәлләр министрлыгының Татарстан Республикасы буенча Баш идарәсе башлыгы Рафис Хәбибуллин җитәкли.
Бүген ТР Гадәттән тыш хәлләр министрлыгы башлыгы Слеповыйлар гаиләсенең фатирында булды, анда баскыч һәр бүлмәдә янгын хәбәрчесе урнаштырды. Рафис Хәбибуллин, датчикны урнаштыру турындагы тәкъдимгә җавап биргәннәре өчен, ир белән хатынга рәхмәт белдерде һәм күпләрнең хәбәрчеләргә ышанмауларын һәм гади генә куркынычсызлык кагыйдәләрен санга сукмауларын билгеләп үтте.
"Безгә президент программасын тормышка ашыруга яхшы финанслау бүленгән, прибор һәм җайланма үзе түләүсез нигездә бирелә. Датчик кулланылышта гади. Батареяның заряды бер елга һәм аннан да күбрәк җитә. Хуҗаларга хәбәр итүчене карап, вакытында блокларын алыштырырга гына кала. Шуңа күрә бу эшкә үземә тотынырга туры килде һәм без аны, һичшиксез, дәвам итәчәкбез», - дип ышандырды Рәфис Хәбибуллин.
Визит ахырында, Республика гадәттән тыш хәлләр министрлыгы башлыгы әлеге гаиләгә МЧС символикасы төшерелгән истәлекле бүләкләр, ә балаларга йомшак уенчыклар тапшырды.
Слеповлар президент программасының яңа этабында янгын хәбәрчеләре алган гаиләләрнең беренчесе булды. Шунысын да билгеләп үтәргә кирәк, мондый приборларны 2016 елдан Татарстан Президенты Рөстәм Миңнеханов кушуы буенча урнаштыра башладылар. Быел аларны (АПИ) 85 мең тирәсе урнаштыру планлаштырыла.