«Торак һәм шәһәр мохите» илкүләм проекты буенча 37 мең гаилә торак шартларын яхшыртты

Үткән ел Татарстанда 37 мең гаилә «Торак һәм шәһәр мохите» илкүләм проекты буенча торак шартларын яхшырткан. Бу хакта “Татар-информ” мәгълүмат агентлыгы хәбәр итә.

2019 елда барлыгы 2,6 миллион квадрат метр торак кулланышка тапшырылган. Бу үткән ел белән чагыштырганда 11 процентка күбрәк. Бер кешегә торак белән тәэмин ителеш күрсәткече 27,3 квадрат метрга җитте.

Быел республикада 2,9 миллион квадрат метр торак сафка бастыру планлаштырыла.Проектның максаты — халыкның торак шартларын яхшырту һәм шәһәр мохитен уңайлы итү.