Татарстанның барлык мәчетләрендә Корбан бәйрәменә бәйрәм намазлары үткәреләчәк
Корбан бәйрәме быел Татарстанда 27 майда билгеләп үтеләчәк – бу көн ял көне дип игълан ителгән.
Мәчетләрдә бәйрәм намазлары үтәчәк (Казанда – сәгать 2:15тән башлап), аннары махсус билгеләнгән мәйданчыкларда өч көнлек корбан чалу башланачак. Быелгы бәйрәм үзенчәлекләре турында бүген «Татар-информ»да узган матбугат очрашуында сөйләделәр.
Быел Корбан бәйрәме – Зөлхиҗә аеның 10нчы көне – 27 майга туры килә. Бу көн ял көне дип игълан ителгән – тиешле указга Татарстан Рәисе кул куйган.
Корбан бәйрәме – тугрылык, иман һәм шәфкать символы. Ислам риваяте буенча, Ибраһим пәйгамбәр төшендә Аллаһы Тәгаләдән үзенең улы Исмәгыйльне корбан итү турында боерык ала – бу аның иманын сынау була. Ул Аллаһының әмерен үтәргә әзер булганда, корбан сарыкка алыштырыла.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев