Татарстанның иң яхшы янгын сүндерүчеләре Яшел Үзәндә!

Җиңүчеләр кубогын ТР буенча Федераль янгын хезмәтенең 8 отряды җитәкчесе Зөфәр Хәлиуллинга тантаналы рәвештә Россия Гадәттән тыш хәлләр министрлыгының Татарстан Республикасы буенча Баш идарәсе башлыгы урынбасары Константин Чанышев тапшырды. 
Кубокны тапшыру 2019 елда 8 отряд эшчәнлегенә йомгак ясау буенча киңәшмәдә узды. Йомгаклау киңәшмәсендә район башкарма комитеты җитәкчесенең беренче урынбасары Александр Старостин катнашты. 
Россия Гадәттән тыш хәлләр министрлыгы коткаручысы көне алдыннан, ул Яшел Үзән гарнизонының бөтен шәхси составын якынлашып килүче һөнәри бәйрәмнәре белән котлады, авыр хезмәтләре өчен янгын сүндерүчеләргә рәхмәт белдерде һәм яңа 2020 елда хезмәттә уңышлар теләде. 

Янгын хезмәте матбугат хезмәте мөгьлүматлары буенча.