Татарстанлылар үзизоляцияләнгәннән соң аерылышу турында бер генә гариза да бирмәгәннәр

Татарстан халкы үзизоляцияләү режимы тәмамланганнан соң никахны өзү турында бер генә гариза да бирмәгән. Бу хакта Татарстан Республикасы Министрлар Кабинетының ЗАГС идарәсе башлыгы Гөлшат Нигъмәтуллина Андрей Кузьминга биргән интервьюсында сөйләде.

"Пандемия шартларында безнең аерылышулар саны 90% ка кимегән, юк дәрәҗәсендә. Бу чикләү чаралары белән бәйле. Без 12 майдан эшли башладык, аерылышу турында гаризалар юк ", - дип хәбәр итте әңгәмәдәш.

Үзизоляция, киресенчә, кешеләрне үз тормышы турында уйланырга мәҗбүр итте. Алар бергә булу һәм кризистан лаеклы итеп бергә генә чыгып булуын аңладылар, дип саный Нигъмәтуллина.

"Аерылышу турында гариза бирүчеләр дә аларны алыр дип ышанам", - диде ул.

Парлар, уртача, бишьеллыкта аерылышырга тели, бу мөнәсәбәтләрдәге кризислар белән бәйле. ЗАГС хезмәткәрләре мондый парларны аерылышудан баш тартырга өнди һәм гаиләдәге каршылыклар аның алга таба ныгуына китерүен аңлаталар.

Татарстанда иң нык гаиләләр Әтнә, Балтач, Чүпрәле, Ютазы районнарында яши. Нигъмәтуллина моны гаилә традицияләре саклану белән бәйли.

Татарстан Республикасы Министрлар Кабинетының ЗАГС идарәсе башлыгы белән интервьюны "Вакыйгалар" сайтында укыгыз. Видеоверсияне YouTube тагы “Татар-информ” мәгълүмат агентлыгының каналында күрергә мөмкин булачак. «Андрей Кузьмин белән галстуксыз интервью» программасында әңгәмәнең телевизион вариантын тамашачылар шимбә көнне 18.30 сәгатьтә һәм якшәмбе көнне 13.30 сәгатьтә карый алачак.