Татарстанлылар 2022 елда министрлыкларның өстенлекле юнәлешләре өчен тавыш бирде

Анализ күрсәткәнчә, гражданнарның күбесе ТР Мәгариф һәм фән министрлыгының максатлары һәм бурычлары өчен тавыш биргән, бу – 10,8 мең катнашучы. Республика халкы, балаларны психологик көч кулланудан, криминаль субкультураларның йогынтысыннан саклау максатыннан, мәктәпләрнең тәрбия эшчәнлеген көчәйтергә кирәк дигән фикер белән килеште.

ТР Яшьләр эшләре, спорт һәм туризм министрлыгы тавыш бирү нәтиҗәләре буенча, яшүсмерләр арасында деструктив күренешләрне профилактикалау буенча топ бишлеккә керде. Бу бурычлар ведомствоның Иҗтимагый советы тарафыннан каралачак. ТР Яшьләр эшләре, спорт һәм туризм министрлыгы тавыш бирүдә рейтингның лидеры булып яшьләрне укудан буш вакытта эшкә урнаштыруны тәэмин итү бурычы тора.

Хәерчелеккә каршы көрәш һәм мәшгульлеккә ярдәм итү Татарстан Хезмәт, мәшгульлек һәм социаль яклау министрлыгына карый. Агымдагы елда гражданнарны социаль әһәмиятле хезмәтләрне электрон рәвешкә күчерү һәм бюджет өлкәсендә эшләүче социаль хезмәткәрләрнең хезмәт хакы дәрәҗәсен өстәмә контрольдә тоту пунктлары кызыксындырды.

ТР Сәламәтлек саклау министрлыгының алдынгы күрсәткечләре арасында-иртә стадияләрдә яман шешләрнең ачыклануын арттыру, шулай ук йөрәк-кан тамырлары патологиясе булган балаларны диспансер күзәтүе белән колачлау тора.

Хәзер иң күп тавыш җыйган максатлар һәм бурычлар, шулай ук халыкның тәкъдимнәре һәм комментарийлары турында ведомстволарның иҗтимагый советларының киңәйтелгән утырышларында фикер алышачаклар. Алар декабрьдә ачык режимда zoom форматында узачак, теркәлү вакытында теләгән һәркем кушыла алачак. Һәр министрлык өчен 2022 елга биштән җидегә кадәр өстенлекле максат билгеләнәчәк.

Дәүләт хакимияте башкарма органнарының максатларын һәм бурычларын халык алдында формалаштыру һәм аларның үтәлешен иҗтимагый контрольдә тоту проекты инде дүртенче ел тормышка ашырыла. Татарстан Иҗтимагый палатасы тарафыннан билгеләнгән тәртип нигезендә, беренче этапта министрлык экспертлары тарафыннан ведомстволарның максатлары һәм бурычлары буенча тәкъдимнәр кертелә. Аннары алар эксперт сессияләрендә һәм иҗтимагый совет утырышларында фикер алышалар һәм онлайн тавышка чыгарыла. Киләсе этап-ведомство каршындагы Иҗтимагый советның киңәйтелгән утырышында максатлар һәм бурычлар исемлеген раслау. Киләсе ел дәвамында халык белән бергә формалаштырылган максатларны һәм бурычларны тормышка ашыру буенча хакимият органнарының халык алдында хисап тоту каралган.