Татарстанга көчле салкыннар килә

Татарстанда көчле салкыннар аркасында кисәтү игълан ителде. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.

Гидрометеорология һәм әйләнә-тирә мохитне күзәтү идарәсе мәгълүматлары буенча, бүген салкын һава торышы көтелә. Юлларда бозлавык саклана.

Татарстан территориясендә урыны белән, шул исәптән Казанда да, томан төшәчәк. Кайбер урыннарда кар явуы ихтимал, юлларда бозлавык хасил була. Термометр баганалары аязган вакытта -25 градуска кадәр салкын булачак. Көндез һава температурасы -11...-16 градуска кадәр салкын булачак.

Мәгълүмат «Татар-информ»нан алынды.