Татарстанда җылы һава торышыннан соң, кискен суыклар килүе көтелә

Киләсе атна башында ук һава температурасы -7 градуска кадәр төшәчәк, дип хәбәр итә ТР Гидрометеорология үзәге.

11 нче ноябрьдән 13 нче ноябрьгә кадәр республикада аномаль җылы һава торышы сакланачак. Көндез һава температурасы +3..+8градусны тәшкил итәчәк.  Яңгыр һәм көчле җил булуы ихтимал.

14 ноябрьдән Татарстанга салкын атмосфера фронты киләчәк. Яңгыр һәм кар явуы көтелә, шул исәптән юеш кар явачак.

 Дүшәмбе көнне +2..-3 градус булса, 15 ноябрьдә термометр баганалары -2..-7 градусны күрсәтәчәк. 

Юлларда бозлавык барлыкка килергә мөмкин, сак булыгыз!