Татарстанда яшенле яңгыр көтелә

(Казан, 14 май, “Татар-информ”). Татарстанда алдагы тәүлектә яшенле яңгыр көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенә сылтама белән “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

14 май, дүшәмбе көннең икенче яртысында һава шартларының кинәт үзгәрүе көтелә. Урыны белән секундына 15 – 20 метрга кадәр көчле җил белән яшенле яңгыр булачак.

Республикада яңгырлар иртәгә, сишәмбе көннең киченә генә тукталачак.