Татарстанда хокук сакчылары мәктәпкә һөҗүм итүне булдырмый калды

Татарстаннан 16 яшьлек егеткә карата җинаять эше (https://www.tatar-inform.ru/news/v-tatarstane-siloviki-predotvratili-napadenie-na-skolu-5892741) кузгатылды. 

Ул Түбән Каманың бер мәктәбендә укучыларны үтерүгә әзерләүдә шикләнелә.

Хокук хезмәткәрләре егетнең үтерү ысуллары, шартлаткыч җайланманы ничек җыярга кирәклеге турында мәгълүмат җыйганын, шулай ук үзенә ярдәм итүчеләрне эзләвен ачыклаган. Егет кайчандыр укыган мәктәпкә һөҗүм итү планын эшләргә дә өлгергән, әмма аны тормышка ашырырга хокук саклау органнары хезмәткәрләре комачаулады, дип хәбәр итә «Татар-информ».

Егетне тоткарлаганнар, хәзерге вакытта тикшерү бара.