Татарстанда кырау төшүе көтелә

Бүген, 18 апрельдә, Татарстан территориясендә төнлә туфракта 9 градуска кадәр кырау төшүе көтелә.

Көндез һава температурасы 4-9 градус җылы булачак. Бигрәк тә төбәкнең көньяк һәм көньяк-көнбатыш районнары җылы булачак.

Алмашынучан болытлы һава, явым-төшем көтелми. Төньяк-көнчыгыштан көчле җил тотрыксыз һәм салмак җил белән алмашачак.

Татарстан метеорологларының беренчел фаразлары буенча, атна ахырына кадәр республикадагы һава шартларына антициклон йогынты ясаячак. Ялларда гына акрынлап җылыта башлаячак.

Фото: архив/Владимир Васильев