Татарстанда карантинга 38 сыйныф ябык

Татарстанда ОРВИ белән авырып, өйдә укучы 38 сыйныф бар. Бу хакта “Татар-информ” мәгълүмат агентлыгында узган матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина хәбәр итте.

«Өйдә 38 сыйныф укый, бу 942 укучы дигән сүз», - дип билгеләп үтте спикер.

Кискен респиратор вируслы инфекцияләре аркасында Казанда 33 классны өйдәге укытуга җибәргәннәр, дүртесе - Югары Осланда һәм берсен - Лениногорск районында.
Исегезгә төшерәбез, әгәр 20% укучы дәресләрдә булмаса, класс өйдә укытуга җибәрелә.