Татарстанда һава торышы сизелерлек начарланыр дип көтелә

Синоптиклар фаразлары буенча, 2022 елның 17 ноябрендә кич, төнлә һәм көндез Татарстан Республикасы территориясендә урыннар белән:

көчле кар;

1000 м һәм аннан да азрак күрүчәнлек белән буран;

18 м/с га кадәр көчле көнчыгыш җил көтелә;

юлларда кар көртләре һәм бозлавык булачак.
Дәүләт автоинспекциясе транспорт чараларын кышка әзерләү зарурлыгын искә төшерә һәм юл хәрәкәтендә катнашучыларны игътибарлы булырга, кагыйдәләрне үтәргә өнди.