Татарстанда эсселек аркасында урманнарга керү тыела

"Тиешле карар ТР Министрлар Кабинеты тарафыннан имзаланды һәм хокукый мәгълүмат Республика порталында басылып чыгачак. Мондый чикләү бу җәйдә икенче тапкыр кертелә. Беренче чикләү 8 июльдә 21 көнгә кертелгән иде", – дип билгеләп үттеләр ТР Урман хуҗалыгы министрлыгында.

Карар нигезендә, чикләү 9 августтан Әгерҗе, Азнакай, Аксубай, Әлки, Әлмәт, Арча, Баулы, Биләр, Болгар, Бөгелмә, Буа, Алабуга, Зәй, Яшел Үзән, Кайбыч, Идел буе, Шәһәр яны һәм башка урманчылыклар территориясендә 21 көн дәвам итә.