Татарстанда чикләү чараларын бетерү мәсьәләсен ачык калдырдылар

Республикада коронавирус инфекциясе таралу белән бәйле вәзгыять катлаулы булып кала бирә, бу әлегә республика хөкүмәте тарафыннан кертелгән чикләүләрне юкка чыгарырга мөмкинлек бирми. Мондый белдерүне Роспотребнадзорның төбәк бүлеге башлыгы Марина Патяшина ясады. Журналистлар белән әңгәмә вакытында (5 майда узган брифингта), ул төбәктә кыска вакытлы инфекция таралу турындагы мәгълүматларны хәбәр итте һәм әлеге тема буенча сорауларга җавап бирде.

Сораулар барыннан да ешрак чикләү чараларының бетерелүенә кагыла, Патяшина аларны киметү 12 майдан булачак, дип җавап бирде. Шулай ук ул республика хөкүмәте тарафыннан әзерләнгән проект, чикләүләрне этаплап бетерү буенча инде әзер һәм федераль хакимият белән килештерүләр көтә, дип билгеләде.

- Чикләүләрне бетерү 10-11 майдагы вәзгыятькә бәйле булачак. Әгәр дә үсеш темпы атна дәвамында 4-6 проценттан артмаса, бу кайбер өлкәләрне җибәрергә мөмкинлек бирәчәк. Бәлки, көнкүреш хезмәтләре, азык-төлек булмаган кибетләр, парклар, скверлар. Бу нинди конкрет өлкәләргә кагылачак һәм нинди күләмдә, мин әлегә әйтә алмыйм, - дип аңлатты Патяшина.