Татарстанда атна ахырына җылыта

Чәршәмбе һәм пәнҗешәмбе көнне республикада һава торышына көнбатыш антициклонның алгы өлеше йогынты ясый башлаячак. Атмосфера басымы аз гына үсә, явым-төшем көтелми, бары тик көндез генә көнчыгыш районнарда бераз яңгыр явачак. Төнге температура 5-11 градус чикләрендә көтелә, көндез һава 19 градуска кадәр җылыначак.

Җомга һәм шимбәдә Татарстанда урыны белән бераз яңгыр булырга мөмкин, әмма көндез һава температурасы бераз күтәрелә. Шулай итеп, 21 августта көндез - 21, ә 22 августта 23 градуска кадәр җылы көтелә, дип хәбәр итә ТР Гидрометүзәге.