Татарстанда җәмәгать транспортында кемнәр өчен 8-10 сум ташлама ясаячаклар

Ташлама автобусларда, троллейбусларда, трамвайларда һәм метрода гамәлдә булачак. Шартларга ярашлы, Татарстан Республикасында яшәүче картасы (Карта Жителя) тоташтырылган смартфон белән түләгәндә ташлама 10 сум тәшкил итәчәк. Әгәр пассажир юл йөрү өчен смартфон белән «Мир» түләү системасы аша түләсә, ташлама 8 сум тәшкил итәчәк.

Акция 2023 елның 1 сентябреннән 31 декабренә кадәр дәвам итәчәк. Акция Android смартфоннары ияләренә генә ачык булачак, iPhone хуҗалары ташламадан файдалана алмаячак. Бу iPhone - да чит түләү сервисларын урнаштыру мөмкин булмавы белән бәйле, дип аңлатты НСПК.