Татарстан укучылары финанс грамоталылыгы буенча олимпиадада катнаша ала

Олимпиада укучыларга эшкуарлык нигезләрен үзләштерергә, критик фикерләүне һәм рискка уйлап баруны үстерергә ярдәм итәчәк. Катнашучылар бала өчен аңлаешлы һәм реаль тормышка якын бизнес-кейсларны хәл итәчәк.
Биремнәр мәктәп программасының тирәнтен белемен таләп итми.
Биремнәр 27 апрельдән билгеле. Нәтиҗәләр 2021 елның 18 маенда ясалачак. Һәр катнашучы үзенең шәхси кабинетында җыелган баллар һәм бүләкләр турында олимпиада сайтында белә ала.

Исегезгә төшерәбез, онлайн-олимпиада «Кече һәм урта эшкуарлык һәм шәхси эшкуарлык инициативасына ярдәм» милли проекты кысаларында уза. Төп тур Россия Банкы рәисе Эльвира Нәбиуллинаның "Үз финансларың белән уңышлы идарә итү өчен икътисад турында нәрсә белергә кирәк?» темасына онлайн дәресе белән ачылды.

Чара Татарстанда ТР Милли банкы җитәкчелеге катнашында 5-нче номерлы Казан лицеенда старт алды.

"Финанс грамоталылыгы нигезләрен кечкенәдән үк салырга кирәк. Хәзер сез-мәктәп укучылары, әмма берничә елдан соң сезнең берәрегез эшмәкәр булачак, кемдер финанс өлкәсендә эшләячәк. Үзегезне нинди һөнәрдә гамәлгә ашыруыгыз, финанс грамоталылыгы буенча белемнәрегез бөтен җирдә дә кирәк булачак, һәм олимпиадада булган мәсьәләләрне сез, һичшиксез, реаль тормышта очратачаксыз», - дип мөрәҗәгать итте җыелганнарга Россия Банкының Татарстан буенча бүлеге идарәчесе Марат Шәрифуллин һәм балаларга олимпиада биремнәрен уңышлы үтүләрен теләде.

Олимпиадада ничек катнашырга һәм аның ничек узачагы турында тулырак мәгълүматны чараның рәсми сайтында белергә мөмкин.