Татарстан укучылары финанс белеме буенча олимпиадада катнаша ала

Ул Учи.ру платформасында узачак, дип хәбәр иттеләр ТР буенча Милли банк матбугат хезмәтендә.

Олимпиадада теләсә кайсы көнне 1 марттан 31 мартка кадәр катнашырга мөмкин. Биремнәрдә укучыларга көндәлек тормыштан мисалларга, үз финансларың белән ничек дөрес эш итәргә, мошенникларга һәм маркетинг хәйләләренә ничек эләкмәскә, шулай ук башка бик күп нәрсәләргә җавап табарга туры киләчәк.