Татарстан Республикасы Үзәк сайлау комиссиясе башлыгы тавыш бирү мәйданчыкларында Covid-19 дан саклану чаралары турында сөйләде

РФ Конституциясенә төзәтмәләр буенча тавыш бирү вакытында процессның барлык катнашучылары - тавыш бирүчеләр дә, сайлау комиссияләре әгъзалары да - бер тапкыр кулланыла торган битлекләр һәм перчаткалар белән тәэмин ителәчәк. Бу хакта “Татар-информ” мәгълүмат агентлыгына ТР Үзәк сайлау комиссиясе матбугат хезмәтендә хәбәр иттеләр.

"Без комиссияләр әгъзалары һәм тавыш бирүче гражданнар өчен мәҗбүри акча җыелмасын формалаштырдык. Үзәе сайлау комиссиясенең бер әгъзасына көненә дүрт битлек, дүрт пар латекс перчатка һәм антисептиклар тиеш. Тулаем алганда, һәр участокка 14 литр дезинфекцияләү чарасы китерәчәкләр. Бүген эшләүче барлык территориаль сайлау комиссияләре тулы күләмдә индивидуаль яклау чаралары белән тәэмин ителде. Эшләр башланганчы участок сайлау комитетларын әзерлибез - алар татарстанлыларны 16 июньнән кабул итә башлаячак, - дип шәрехләде Татарстан Үзәк сайлау комиссиясе рәисе Андрей Кондратев.

Ул ассызыклаганча, тавыш бирү көненә әзерлек процессы катнашучыларның тулы куркынычсызлыгын тәэмин итү өчен бара.

«Төп өстенлек - сайлау процессының барлык катнашучыларының: тавыш бирүчеләрнең һәм комиссия әгъзаларының тормышы һәм сәламәтлеге. Үземнән ассызыклап әйтәм: тавыш бирүдә катнашырга теләүчеләргә бу хәтта, мәсәлән, кибеткә баруга караганда да куркынычсызрак булачак», - диде Андрей Кондратьев.

Элегрәк РФ Роспотребнадзор сайлау комиссияләре өчен кыска вакытлы инфекцияне профилактикалау буенча рекомендация әзерләгән иде. Билгеләнгән таләпләр нигезендә, тавыш бирүнең куркынычсыз процедурасын оештыру өчен кирәкле индивидуаль яклау чаралары күләме билгеләнгән. Авыр эпидемиологик вәзгыятькә бәйле рәвештә РФ Конституциясенә үзгәрешләрне хуплау мәсьәләсе буенча тавыш бирү 25 июньнән 1 июльгә кадәр үткәреләчәк.