Татарстан Республикасы Президенты Рөстәм Миңнеханов Татарстанда гомуми изоляция режимын игълан итте

1.Бик кирәк булган очракта гына фатирдан чыгарга мөмкин. Мәсәлән, ашыгыч медицина ярдәме алу өчен.

2.Өйдән эшкә махсус белешмә буенча гына чыгарга мөмкин булачак.

3.Эчке эшләр министрлыгы рейдлары оештырылачак.

4.Җәмәгать транспорты эше чикләнә: 1 апрельдән шәһәрара һәм муниципальара ташулар ябыла. Шәһәр маршрутларында автобуслар эшләячәк, әмма рейслар арасындагы интервал арттырылачак.

5. Әгәр кешенең гамәле (изоляцияне үтәмәү) үлемгә китерсә яисә башка кешеләргә авыру йоктырса җинаять җаваплылыгы көтә.

6. Шәхси транспортта эшкә генә йөрергә ярый.

7.Татарстанга килгәннәрнең барысы да автомат рәвештә үзизоляция режимына керергә тиеш.

8. Үзизоляция режимы теләсә кайда тормышка ашырылырга мөмкин: дачада да, авылда да, үз фатирларыгызда да, ләкин бу дусларны кунакка чакыруны күздә тотмый.

Махсус режимның кайчан тәмамланасы билгеле түгел. Вәзгыятьне тотрыкландырганчы, дип сөйлиләр. Төгәлрәк мәгълүмат якындагы көннәрдә булачак.