Татарстан Мәгариф һәм фән министрлыгы мәктәп укучыларының салкыннар аркасында дәресләрен гамәлдән чыгару мөмкинлеген аңлатты
“Авыл мәктәпләренең башлангыч сыйныфларында -23°, шәһәр мәктәпләренең башлангыч сыйныфларында һәм авыл мәктәпләренең 5-9 сыйныфларында -25°, шулай ук шәһәр мәктәпләренең 5-9 сыйныфларында -27°, авыл мәктәпләренең 10-11 сыйныфларда -30 градус салкында, ә шәһәрдә 10-11 сыйныфларда -32 градус булганда укулар кичектерелергә мөмкин”, - диелә ТР Мәгариф һәм фән министрлыгы хәбәрендә.
Моннан тыш, кече сыйныф укучылары өчен урамда физкультура дәресләре бары тик -3 градус салкыннан түбән булмаганда һәм җил 6-10 м/с тизлектән артмаганда гына, ә югары сыйныф укучылары өчен -10 градустан да түбән булмаган температурада гына үткәрелә ала.
Министрлык, шулай ук, балаларны мәктәп автобуслары белән йөртүне һәм балаларны муниципалитетлардан читкә кая да булса алып бару -25 градус һәм аннан да түбәнрәк температурада тыярга тәкъдим итте. Көчле салкыннар вакытында мәгариф идарәләре органнары җитәкчеләре җылылык белән тәэмин итү системаларының эшенә контрольне көчәйтергә тиеш.
Следите за самым важным и интересным в Telegram-каналеТатмедиа
Нет комментариев