Татарстан беренчеләрдән булып, егетләрне хәрби хезмәткә озатачак

Үзәк хәрби округта Татарстан Республикасы беренчеләрдән булып, хәрби хезмәткә алынучыларны частька җибәрәчәк. Беренче төркем 21 майда китәчәк, дип сөйләде Татарстан хәрби комиссары генерал-майор Сергей Погодин. "Армиягә алынучыларның республика җыелма пунктына килүе 18 майда башланды.

Хәрби командаларны гаскәрләргә җибәрү агымдагы елның 21 маенда башланачак», - дип билгеләп үтте Погодин.

Ул чакыруга масштаблы әзерлек уздырылуын һәм яңа алынучыларның санитар-эпидемиологик иминлеген тәэмин итү өчен барлык шартлар тәэмин ителүен өстәде. Барлык хәрби хезмәткә чакырылучыларны ике атналык карантин көтә, шуннан соң гына алар яшь сугышчы курсын үтә башлаячаклар. Элегрәк "Татар-информ" мәгълүмат агентлыгы хәбәр иткәнчә, Татарстаннан хәрби хезмәткә 3 меңнән артык кеше җибәрергә планлаштыралар.