Тагын бер ел артта кала

Тагын бер ел тарихта кала һәм тиздән сезнең белән бергәләп «Яшел Үзән» битләрендә яңасын башлаячакбыз.
Һәрвакыт безнең белән булган туг­ры укучыларыбызга ихластан рәхмәтлебез. 2024 елда да район һәм шәһәр тормышында бергәләп кайнарбыз. Иң-иңнәрен газета битләрендә, социаль челтәрләребездә яктыртырбыз дип, ышанып калабыз. Иң мөһиме – дөньяларыбыз тыныч булсын, барлык кайгы-хәс­рәтләр, борчулар узып баручы елда калсын.

Һәрбарчагызны да якынлашып килүче Яңа ел белән котлап, чиксез бәхет, саулык җан тынычлыгы телибез.

Ә газета белән килгән календарьны бәйрәм бүләге дип кабул итеп алыгыз. Әлеге календарь бары тик почта аша "Яшел Үзән" газетасына язылучыларга таратыла.

Яңа ел котлы булсын!