Тагын 189 татарстанлы Covid-19 йоктырган

"54 кеше хастаханәгә урнаштырылды, 135 кеше өйдә дәвалана», – дип хәбәр итә ТР Сәламәтлек саклау министрлыгының Матбугат хезмәте.

Күпчелек очраклар Казанга туры килә (107). 28 кеше Яр Чаллыда, алтысы – Чистай районында, бишәр кеше Алабуга, Яшел Үзән, Лаеш, Түбән Кама һәм Спас районнарында авырый.

Дүрт covid – очрак Лениногорск районында, икешәр очрак Әтнә, Балтач, Бөгелмә, Мамадыш, Питрәч, Саба һәм Тукай районнарында теркәлгән. Әлмәт, Биектау, Зәй, Кукмара районнарында берәр кеше чирләгән.

Пандемия башланганнан бирле республикада 30,9 мең кеше коронавирус йоктырган, 25,3 меңе терелгән.

Вакцинацияне 1,5 миллионнан артык татарстанлы узды, шуларның 1 млны икенче прививка алды.