Сорауларга җавап бирү

– Гражданлык эшләре буенча шәһәр судына почта аша дәгъва гаризасы (иск) җибәргәч, телефон номерына суд утырышының кайсы көнне буласы һәм вакыты турында хәбәр килә иде. Никтер мондый хәбәрне җибәрми башладылар. Шулай итеп, судның булу-булмавын белмичә дә калабыз. Сайтларында күрсәтелгән стационар телефоннарны да алмыйлар, элемтәгә чыгып булмый.
Газета укучыгыз.

Шәһәр суды сәркатибе белән 2-89-01 телефоны аша элемтәгә чыктык.
– Безгә аңлатуларынча, гаризаны юллаганда башында ук СМС хәбәр алуыгызга риза булуыгызны языгыз һәм телефон номерын күрсәтеп, кулыгызны куярга онытмагыз. Гаризада күрсәтелгән телефон аша сезнең белән элемтәгә керәчәкләр. Инде юк икән, почта аша чакыру кәгазе юллана. Ниндидер сәбәпләр аркасында килмәгән булса, югарыда күрсәтелгән телефон номеры аша шалтыратыгыз. Җавап бирәләр – без тикшердек.