Сорау-җавап

– Мәчеткә килеп, күз, сүз тигәннән өшкертергә, кешенең био-кырын (аура) ныгытырга, чистартырга мөмкинме? Шундый хезмәт күрсәтеләме?

– Кеше үзе дә белгән догаларын укып, өшкерә ала, файдасы була. Мәчеткә барып, белгән кеше укыса, әлбәттә, әйбәт инде ул. Бу чакта кешенең био-кыры чистара. Ә инде мәчеткә килү – хәзрәт ихтыя рында дип уйлыйм. Мин вакытым һәм мөмкинлегем булганда өшкерәм.

– Хатын-кыз намаз укып та чәчен күрсәтеп йөри аламы? Кайберәүләр намаз кабул булмый диләр. Бу фикер дөресме?

– Намаз кабул буламы, юкмы – аны бер Аллаһ Тәгалә генә белә.

– Кабер өстенә ясалма чәчәк, венок куярга ярамаганны беләбез. Тик инде кемнеңдер каберенә куелган ул чәчәкләрне, сабыйлар каберендәге йомшак уенчыкны зират өмәсенә килгән кешенең алып атарга хакы бармы?

– Минем фикеремчә, кем куйган, шул алып куйса әйбәтрәк булыр. Яки хуҗасыннан сорап алып куярга кирәк. Кешенең нәфрәтен уятырга кирәкми.

– Минем кызыма 1 яшь була, төнлә йоклаганда нык итеп саташып уяна. Йоклатканда һәм күз тигәндә нинди догалар укырга ярый?

– Нинди сурәләр беләсез, шуны укысагыз була. Ә болай «Фатиха», «Ихлас», «Фәлак», «Нәс» сурәләрен укысаң бик әйбәт.

– Машиналарга догалар элеп куялар. Алар чынлап та юлда хәвеф-хәтәрдән саклыймы?

– Юк, алар сакламый. Куймавың хәерлерәк була. Юлда йөри белмәсәң, бернәрсә дә булыша алмас. Ә аллаһ Тәгалә иң элек күңелдә булырга тиеш.


– Сәдака акчасына ниләр алырга ярый һәм ярамый?

– Әгәр син аңа мохтаҗ түгел икән, мохтаҗрак кешегә бирергә кирәк. Бездә абыстайлар мәҗлестә җыеп, мәчеткә тапшыра. Шул акчалардан газ, утка түлибез. Зиратта кайбер эшләр башкарабыз.