Синоптиклар болытлы һава һәм явым-төшем турында кисәтә

Якындагы өч көндә Татарстан территориясендә кар явачак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Бүген кар явачак, көндез урыны белән бераз буран булуы ихтимал. Төнлә температура -12 градуска кадәр салкын булачак. Ә көндез температура 1-6 градус салкын булачак.

Язның беренче көнендә Татарстанда юеш кар һәм вак яңгыр көтелә. Урыны белән буран һәм юлларда бозлавык хасил булачак. Төнлә һава температурасы 9 градуска кадәр төшәргә мөмкин. Көндез температура -4 градустан + 1 градуска кадәр булачак.

2 мартта синоптиклар шулай ук юеш кар һәм вак яңгыр явуын фаразлый. Көндез температура – 3 градустан + 2 градуска кадәр булачак.

Мәгълүмат «Татар-информ»нан алынды.