Салмышлар ныклы контрольдә

Без хокук бозуларның һәр очрагы турында җентекләп язачакбыз, газеталарда фотосурәтләрне күрсәтәчәкбез һәм алар белән социаль челтәрләрдә видеоязмалар бастырачакбыз.

Татарстан машина йөртүчеләре исерек килеш рульгә ешрак утыра башлаган - моны Дәүләт автоинспекциясе мәгълүматлары дәлилли. Һәм саннар коточкыч - ел башыннан республикада исерек килеш автомобильләр белән идарә итүнең 7,1 меңнән артык фактын ачыклаганнар. Руль артындагы исерек ничә минут һәм хәтта сәгать йөргән?

Бу “шаф астында”гы шоферларның җәяүлеләрне, каршы як полоса автомобильчеләрен, өлкәннәр һәм балаларны дучар иткән куркынычны ничек үлчәп була? Моның дәрәҗәсен ЮХИДИның тагын бер сводкасын укыганнан соң гына аңларга була: исерек йөртүчеләр гаебе белән 78 юл-транспорт һәлакәте булган, аларда 17 кеше үлгән, тагын 111 кеше җәрәхәтләнгән.

17 кеше башкаларның җавапсызлыгына алмашка үз гомерен биргән, 111е - үз сәламәтлеген. Татарстан гаиләләренә исерек килеш машинада йөрүләр күпме кайгы китерде - ЮХИДИ мондый статистиканы алып бармый.

Татарстан ММЧ журналистлары бу югалтуларны инде бер генә ел күреп һәм санап бармый, шуңа күрә бу проблеманы яктыртуны көчәйтергә булдылар. Без хокук бозуларның һәр очрагы турында җентекләп язачакбыз, газеталарда фотосурәтләрне күрсәтәчәкбез һәм алар белән социаль челтәрләрдә видеоязмалар бастырачакбыз. Хокук бозучыларга нинди җәза биреләчәге турында сөйләүне мәҗбүри дип саныйбыз. Бу штрафлар гына түгел, иректән мәхрүм итү дә.

Исегезгә төшерәбез, РФ КоАП буенча автомобиль белән "исерек" идарә иткән өчен беренче тапкыр 30 мең сумга штраф салына, өстәвенә 2 елга кадәр срокка хокуктан мәхрүм итү каралган. Әгәр хокук бозучы ел дәвамында исерек килеш руль артына кабат утырган булса, аны моның өчен җинаять җаваплылыгына җәлеп итәчәкләр. РФ Җинаять кодексының 264.1 маддәсендә 300 мең сумга кадәр штраф, 480 сәгатькә кадәр мәҗбүри эшләр, яки 2 елга кадәр иректән мәхрүм итү каралган.