Рөстәм Миңнеханов район башлыкларына терлек азыгының булуын контрольдә тотарга кушты

Шул ук вакытта республиканың 23 районы гына терлекләрне кирәкле күләмдә азык белән тәэмин итә алачак. ТР Президенты йөкләмәсе буенча 5 июльгә кадәр районнар баланс комиссияләре үткәрергә һәм терлек азыгы булу ситуациясен анализларга тиеш.

Рөстәм Миңнеханов терлек азыгы кытлыгы булган районнарга тәкъдимнәр әзерләргә һәм зыян күргән авыл хуҗалыгы формированиеләренә ярдәм күрсәтергә кушты. Моннан тыш, Татарстан Республикасы Президенты атна саен терлек азыгы белән тәэмин итү проблемалары булган районнар башлыклары белән җыелышлар үткәрергә тәкъдим итте.

«Бу сезнең эш. Авыл хуҗалыгы җитәкчеләре белән бергә хәлне контрольдә тотарга кирәк. Оператив штаб көн саен динамиканы күзәтеп торырга тиеш. Терлек азыгы җитмәү киләчәктә терлекләрнең баш саны кимүгә, авылда эш урыннары кимүгә китерергә мөмкин", - дип мөрәҗәгать итте Президент район башлыкларына.