Россиялеләрне ишек янында калдырылган чүп өчен штраф турында кисәттеләр

Күпфатирлы йортта яшәүче шуны истә тотарга тиеш: ишек янында калган чүп-чар өчен штраф килергә мөмкин. Бу хакта Европа юридик хезмәте юристы Валентин Лупу белдерде, дип яза «Газета.rи».

Белгеч аңлатып узганча, бу мәсьәләдә барысы да янгын куркынычсызлыгы кагыйдәләренә бәйләнә. Билгеләнгән нормалар буенча, баскыч мәйданчыкларында һәм керү-чыгу урыннарында әйберләрне, җиһазларны, яна торган материалларны саклау тыела.

Штраф суммасы 5-15 мең сум күләмендә төрле булырга мөмкин.