Республика халкын #МойТатарстан квестында катнашырга чакыралар

Республика халкын “МойТатарстан” фотомарафонында катнашырга чакыралар, ул 27 һәм 30 августта узачак. Бу хакта оештыручылар хәбәр итә.

Республикада фотомарафон көннәрендә квест үткәреләчәк, анда Татарстанның һәр кешесе катнаша алачак.

"Призлар өчен көрәшкә 27 августта 18.00 сәгатьтә һәм 30 августта 15.00 сәгатьтә трансляциягә кушылырга кирәк булачак", - диелә хәбәрдә.

Җиңү өчен катнашучылар алып баручының биремнәрен төгәл үтәргә тиеш булачак.

Чара түбәндәге схема буенча үткәреләчәк: «ВКонтакте» социаль челтәрендә #МойТатарстан фотомарафоны бергәлегендә турыдан-туры трансляциядә алып баручы биремне игълан итәчәк, ә катнашучылар аны күрсәтелгән вакытта башкарырга тырышырга тиеш. Туры эфирда билгеләнгән вакыт тәмамлангач, алып баручы призларны биремнәрне үтәүчеләр арасында уйнатачак.
Квестта җиңү өчен теләге булган һәркем көрәшә ала, моның өчен #МойТатарстан фотомарафонында катнашу мәҗбүри түгел.

Хәзерге вакытта чарада катнашуга 2 меңнән артык кеше гариза биргән. Алар #ПрекрасныйТатарстан хештегы астында 7,7 меңнән артык фотография бастырганнар.

Узган атнада беренче урынны Азнакай районыннан Флюн Вилданов алды.

Фотомарафонның төп максаты - Татарстанның кызыклы фотоларын булдыру һәм аларны социаль челтәрләрдә бастыру.