Районыбызның Күгәй авылында Советлар Союзы Герое, Бөек Ватан сугышы ветераны Хәлил Хәйруллинның яңа бюсты ачылды
Әлеге бик күркәм тантанага Геройның кызы Римма Гафиятуллина, авылның күренекле шәхесе Рафил Җәләлиев кайткан иде. Шулай ук, чарада район башлыгы урынбасары Ольга Матвеева, подрядчик Вячеслав Богданов катнашты.
Хәтерләсәгез, Күгәй авылында ничә еллар торган әлеге истәлекле һәйкәлне быел җәй яшь балалар ваткан иде. Җитәкчелек үз сүзендә торды, Герой-якташыбызның бюсты бик кыска вакытта яңартылып, үз урынын алды. Бу көн күгәйлеләр өчен үзенә күрә бер бәйрәмгә әверелде.
Тантана ахырында авылның яшь буын вәкилләре арасында футбол ярышы да узды. Соңыннан килгән барлык авылдашлар, кунаклар, яшьләр матур чәй табыны янында аралашты, тәмле чәй, сый-нигъмәтләрдән авыз итте.
Бу көн Күгәй өчен, һичшиксез, истәлекле булып тарихка кереп калачак.
Следите за самым важным и интересным в Telegram-каналеТатмедиа
Нет комментариев