Район башлыгы барлык хатын-кызларны бәйрәм белән котлый!

Әлеге бәйрәмне табигать уянганда, кояшның якты җылы нурлары астында үзегез кебек нәфис беренче чәчәкләр бөреләнгәндә бәйрәм итүебез символик мәгънәгә ия. 
Кайгыртучан аналар һәм әбиләр, яраткан хатыннарыбыз һәм нәфис кызларыбыз, ышаныч, тугрылык һәм мәхәббәт кебек тормышыбыз кыйммәтләре сезнең белән бәйләнгән. Йортларыбызның яме, гаилә муллыгы, сәламәтлек һәм балаларыбызның киләчәге – хатын-кызларыбызның нәзберек иңнәрендә. Сабырлыгыгыз, туг рылыгыгыз һәм зирәклегегез безгә, ирләргә, бик күп авырлыкны җиңәргә ярдәм итә. 
Кадерле хатын-кызлар! Сезгә чын күңелемнән гаилә муллыгы, бәрәкәтле тормыш телим. Гаиләгездә һәрвакыт тынычлык, бәхет һәм үзара аңлашучанлык булсын. 
Сөеп-сөелеп яшәгез! 
 

Александр Тыгин, 
Яшел Үзән муниципаль район башлыгы