Поездга алынган билет акчасын кире кайтарып буламы

Эш шунда ки, сапсан поездына билет алдым, тик бөкеләр аркасында өлгермәдем, ә билет арзан түгел. Мин кассага сапсан киткәннән соң 7 минуттан соң мөрәҗәгать иттем. Кассада 2022 елның яңа кагыйдәләренә сылтап, кабул итүдән баш тарттылар. Кассир хаклымы?

– Кассир дөрес эшләмәгән, әмма өлешчә генә. Поезд киткәннән соң 12 сәгать эчендә акчаны кире кайтару турында гариза язарга була. Сезгә бары тик юл бәясен генә, плацкарт (вагонда урыннар) һәм җыемнардан башка кайтарачаклар. Кире кайтару вакыты – 7-30 эш көне. Әгәр сез поездга авыру яки бәхетсезлек очрагы аркасында соңга калсагыз, гаризаны поезд киткәннән соң 5 көн эчендә бирергә мөмкин.

– Тимер юл билетын поезд киткәнче ничә сәгать эчендә тапшырырга була?

– Россия буенча түбәндәге шартлар актуаль:
Әгәр сез билетны поезд китәргә 8 сәгать алдан кире кайтарасыз икән, сезгә тулы бәясен, сервис хезмәте күрсәтү һәм башка түләүләр белән бергә кайтарачак лар. Кайбер очракларда комиссия алырга мөмкиннәр (мәсәлән, әгәр дә сез билетларны арадашчылар аша яки башка хәлләрдә сатып алган булсагыз).
Әгәр сез билетны поезд китәргә 8 сәгатьтән азрак, әмма 2 сәгатьтән дә ким булмаган вакытта тапшырасыз икән, сезгә билетны тулы һәм плацкартның ярты бәясен, шулай ук сервис хезмәте күрсәтү һәм башка түләүләрне кире кайтарачаклар.
Әгәр сез билетны 2 сәгать алдан яисә аннан да кимрәк вакытта тапшырасыз икән, бу очракта билет бәясе генә кайтарылырга тиеш. Плацкарт һәм башка җыемнар кире кайтарылмый.