Минтимер Шәймиевнең халык санын алу турындагы ролигын ике атна эчендә социаль челтәрләрдә миллионнан артык кеше караган

«Теләсә кайсы милләт кешесе өчен халык санын алуда катнашу - ул үзен һәм гражданлык позициясен белдерү мөмкинлеге. Телне, халыкны саклау күзлегеннән, бу, мөгаен, үзаңның иң ачык күрсәткечедер. Үземнән әйтәм: әгәр мин татар булып туганмын икән, үземне татар дип саныйм, чит фикерләргә бирешмичә, халык санын алуда кыю катнашам һәм эшемдә милли үзаңымны күрсәтәм. Кемдер, ниндидер үгет-нәсихәтләргә, агитацияләргә бирешеп, башкача эшли икән, димәк, аның кем булып туган, шул булып яшәргә рух ныклыгы җитми яки ул аңлаешсыз хәлләргә җайлаша. Халык санын алуда катнашу - һәркемнең шәхси эше, намус эше. Әгәр кеше үз милләте турында ихлас кайгыртса, әлбәттә, бу аның көндәлек эшчәнлегендә дә, исәпкә алу кәгазендә дә чагылыш табачак», - дип билгеләп үтте Минтимер Шәймиев мөрәҗәгатьтә.

https://www.instagram.com/p/CVpm4Z3lTK-/


Шунысын да билгеләп үтәргә кирәк, сюжет социаль челтәрләрдә киң һәм бертавыштан хуплау реакциясе тудырды - алар әлегәчә актив рәвештә ролик белән бүлешә, ә лайкларның гомуми саны ике дистә меңнән артып китте.

Исегезгә төшерәбез, Халык санын алу тагын ике көн - 14 ноябрьгә кадәр барачак. Россия Федерациясенең һәр гражданины өчен мөһим булган вакыйгада дәүләт хезмәтләре порталыннан файдаланып - онлайн рәвештә, шулай ук традицион онлайн юл белән: исәпкә алу пунктында, өйдә яки КФҮдә катнашырга мөмкин.