Миңнеханов хакимият органнарына гражданнарны штат режимында кабул итүне дәвам итәргә кушты

Татарстан Президенты Рөстәм Миңнеханов министрлыклар һәм ведомстволар, муниципаль берәмлекләр вәкилләренә гражданнарны штат режимында кабул итү эшен дәвам итәргә кушты.

"Безнең республика гражданины дәүләт хакимияте органына мөрәҗәгать итә алмаслык хәл беркайда да булырга тиеш түгел", - диде Президент традицион шимбә планеркасында. "Махсус санитар-эпидемиологик вәзгыять белән бәйле рәвештә эшне җиңеләйтергә ярамый", - дип ассызыклады республика җитәкчесе.

Шулай ук, ТР Президенты урыннардагы җитәкчеләрне кирәкле продукция һәм аның бәясен контрольдә тоту өчен кибетләргә, аптекаларга барырга чакырды.

Татарстанда 15 апрельгә кадәр коронавирус таралу куркынычы аркасында махсус санитар-эпидемиологик режим кертелде. Режим массакүләм спорт һәм мәдәни чаралар уздыруны вакытлыча тыюны күздә тота.