Михаил Афанасьев КФУда "Инициатива һәм эшкә стандарт булмаган якын килү - уңышлы профессиональ карьера нигезе" темасына мастер - класс үткәрде

Бүген тыңлаучылар алдында Яшел Үзән районы башлыгы, Яшел Үзән мэры Михаил Афанасьев чыгыш ясады.

- Теләсә кайсы территориянең уңышы биредә яшәүче кешеләргә бәйле, - дип билгеләп үтте Михаил Павлович үзенең чыгышы башында. Мисал итеп Лаеш һәм Яшел Үзән районнарының яңа тарихының уңышлы проектларын китерде. - Кама диңгезе, Сәмрук поселогы, Олы Яәке авыл җирлегенең җиләк кластеры, Мәрсин балыклары үрчетү буенча «Светлое озеро» КФХсы, яңа сәнәгать мәйданчыклары һәм ял итү зоналары ачу – бу һәм халыкның һәм хакимият органнарының нәтиҗәле хезмәттәшлеге нәтиҗәсе.

Перспективалар турында сөйләгәндә, Михаил Афанасьев, үзенең тормышка ашырылуын 10 ел көткән «Зур Яшел Үзән» проектын билгеләде. 10 мең гектар мәйданда 7,5 миллион кв.м торак һәм социаль-эшлекле өлкә объектлары төзелеше планлаштырылган.
– Бүген ирешелмәслек тоелган, тырыш хезмәт һәм теләк булганда, иртәгә үк мөмкин булачак! - дип билгеләп үтте мэр.

Мастер-класс барышында очрашуда катнашучылар Яшел Үзән районы территориясендә тормышка ашырыла торган яңа проектлар, шул исәптән төзекләндерү, социаль-мәгълүмати хезмәттәшлек һәм медиа нәтиҗәлелек өлкәсе турында белделәр. Очрашу "сорау - җавап" форматында тәмамланды"