Мигрантларны тикшереп торалар
Яшел Үзән эчке эшләр бүлегендә «Легаль булмаган мигрант-2018» оператив-профилактик чарасының III этабына нәтиҗә ясалды.
Операция чит ил гражданнары һәм шулай ук миграция өлкәсендә арадашчылык хезмәте күрсәтүче затлар ягыннан законсыз гамәлләрне кисәтү максатыннан үткәрелде.
Операция кысасында полиция хезмәткәрләре чит ил гражданнарын тикшерде һәм 23 административ хокук бозу очрагын ачыклады. Миграция законын бозган 16 чит ил кешесен административ җаваплылыкка тартты. Торак мәйданнарына теркәлү срогын озайтмаган чит ил гражданнарын керткән алты Россия кешесенә штраф салынды.
Суд органнары административ материалларны караганнан соң өч чит ил кешесен Россиядән чыгарып җибәрү турында карар чыгарды.
Следите за самым важным и интересным в Telegram-каналеТатмедиа
Нет комментариев