«Медицина кадрларын саклау – безнең системалы эшебез, беренче чиратта - уңайлы эш урыннары һәм социаль ярдәм», - диде Михаил Афанасьев @mikhail.afanasyev118 Яшел Үзән стоматология сырхауханәсенә визиты вакытында

- Монда капиталь ремонт кирәк. Медицина учреждениесе заманча, уңайлы, яхшы техника һәм югары класслы белгечләр белән тәэмин ителгән булырга тиеш, бу беренче чираттагы бурыч, - дип игътибар итте Яшел Үзән мэры Михаил Афанасьев.

Медицина кадрларын саклап калу-иң мөһим мәсьәлә. Бу стоматология бүлегенә дә, шәһәр һәм район медицина учреждениеләренә дә кагыла.
- Шундый тенденция саклана: яшь белгечләр килә, кирәкле тәҗрибә алалар, шулай итеп, "кулларын чарлыйлар" һәм шәхси клиникаларга китәләр, - дип проблема белән уртаклаша Яшел Үзән РҮХ @crb.zelen баш табибы вазифаларын башкаручы @crb.zelen Эльмир Гатин.

Табиблар җитмәү, чыннан да, шәһәр һәм район өчен кискен проблема.
- Медицина кадрларын саклап калу – безнең сезнең белән системалы эшебез,беренче чиратта-уңайлы эш урыннары һәм социаль ярдәм. Әгәр без үзебез табиблар һәм бөтен медицина персоналы өчен шартлар тудырмыйбыз икән, моны безнең өчен кем эшләячәк? Яшел Үзән медицина көллияте - кадрлар әзерләүче, республика башкаласына якын булу, анда илнең иң яхшы медуниверситетларының берсе, дәүләт ярдәме программалары бар. Һәр этапта катнашачакбыз, - дип йомгаклады Михаил Павлович.

Барлык мәсьәләләр буенча да контроль сроклар белән йөкләмәләр бирелде.