Матур кием – нур

Сары Җир Эте гади һәм табигый буяуларга өстенлек бирә. Көрән яки сары күлмәкле хатын-кыз һичшиксез яңа символга ошаячак. Беренче карашка күңелсез тоелса да, төсмерләре бик күп: шоколад һәм терракот, кара-кызыл һәм соры, сап-сары яки әфлисун төсе – алар барысы да җир стихиясе политрасы кысаларында.
Фасоннарга килгәндә, артык ачык, тирән ерыклы, бик кыска, үтә күренмәле һәм сыланып торучы киемнәрдән баш тартыгыз. Гадилек һәм комфорт – бәйрәм күлмәген сайлаганда төп критерияләр булыр­га тиеш.
Образыгыздагы аксессуарлар да артык «кычкырып» торучан яки купшы һәм чуар булмасын. Гәрәбә, табигый ташлар, агач һәм кара көмеш бизәнү әйберләре Этнең күңеленә хуш киләчәк.
Гаилә һәм гаилә кыйм­мәтләре Сары Җир Эте өчен бик мөһим. Аның тирәсендә мәхәббәт һәм аңлашу булганны ярата. Ул барыбыз өчен дә бик күп көтелмәгән күңелле мизгелләр әзерли. Кемнәр ялгыз – тормышларын тамырдан үзгәртерлек очрашулар, ә инде гаиләлеләрне кабат ширбәт ае көтә.
Яңа 2018 ел дүрт аяклы дусларыбыз кебек үк позитив булыр дип вәгъдә итә. Ә аны нинди киемдә каршыларга – үзегез хәл итегез. Иң мөһиме – ул җайлы, хәрәкәтләнергә комачау итмәсен. Купшы һәм әдәпсез фасоннар, тәннең «эчен пошыргыч» синтетик тукымалар яки күз явын алырлык неон төсләрдән ерак торыгыз.