Марат Әхмәтов Конституциягә төзәтмәләр турында: хезмәт кешесенең бай яшәргә хокукы бар

Конституциягә төзәтмәләр кертү Россиялеләр тормышында хезмәткә түләүнең билгеләнгән тәртибе һәм пенсияләрнең еллык индексациясендә уңай чагылыш табачак. Татарстан Дәүләт Советы депутатының Этика кагыйдәләрен үтәү комиссиясе рәисе Марат Әхмәтов “Татар-информ” мәгълүмат агентлыгына шундый фикерен җиткерде.

"Әлбәттә, мин төзәтмәләрне хуплыйм. Россия - гаять зур табигый бай ил, хезмәт кешесе биредә бай яшәргә хокуклы. Шунысы яхшы, Конституция бу юлы хезмәт кешесе бәяләнсен дип, хокукларын ныгытаен», - дип билгеләп үтте Әхмәтов.

Хәзерге вакытта ил икътисады кешеләр турында яхшырак кайгыртырга, белем бирүне, сәламәтлек саклауны камилләштерергә, пенсия һәм социаль түләүләрне индексацияләүне тәэмин итәргә мөмкинлек бирә. Мондый таләпләрне беркетү илнең Төп законында хакимият вәкилләренә өстәмә җаваплылык салачак.

"Конституция шундый йөкләмәләрне дәүләткә йөкли икән, дәүләт башкарма хакимият йөзендә даими рәвештә моның артыннан күзәтергә тиеш булачак һәм Конституция таләпләрен нинди генә сәбәпләргә дә үтәмәскә", - дип ассызыклады депутат.

Моннан тыш, Конституциягә төзәтмәләрдә социаль яктан әһәмиятле үзгәрешләр бар, мәсәлән, балаларны һәм гаиләләрне яклау, волонтерлык хәрәкәтенә һәм коммерциягә карамаган оешмаларга ярдәм итү.