Көзге юллар куркыныч
Яшел Үзән ЮХИДИ бүлегеннән безгә хәбәр итүләренчә, Яшел Үзән районы һәм шәһәре территориясендә 29 октябрьдән 6 ноябрьгә кадәр балалар арасында юл-транспорт травматизмы профилактикасына юнәлтелгән «Көзге каникуллар» киң масштаблы чара үткәрелә.
Агымдагы елның 9 аенда республика юлларында балалар катнашында 474 ДТП булып, аларда 10 бала үлгән һәм 491е травмалар алган.
Яшел Үзәндә 12 ДТПда 2 бала үлсә, 10сы җәрәхәтләнгән.
Бу хәлнең киеренкеләнүнен истә тотып, балалар күп йөри торган урыннарда тикшерүләр уздырыла. Балаларның автомобильләрдә махсус җайланмаларда йөрү-йөрмәве, җәяүлеләр чыга торган урыннар аеруча игътибар үзәгендә булачак. Шулай ук полицейскийлар яшь инспекторлар отрядлары, «Ата-аналар патруле» инициатива төркеме, ата-аналар комитетлары, педагоглар, «Россия укучылары хәрәкәте» җәмәгать оешмасы белән берлектә дә эшлиячәк. Болар белән бергә мәгариф учреждениеләрендә әңгәмәләр, лекцияләр уздырыла. Ә тематик лекцияләрне автотранспорт предприятиеләрендә һәм башка оешмаларда уздыру планлаштырыла.
Көн яктылыгы кыскарган һәм һава торышы бозылган бу чорда юлларда бик сак булырга кирәк.
Юлия Леонтьева фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев